煲机系冇作用既网上电子游戏, 你冇提高或者降低到自己赢与输既机会. 老虎机既运作其实出奇地简单. 你试下咁样諗: 部机里面有一个random number generator. 好似D matrix电影里面D片段咁, 有一个random number系度不断跳动. 呢个冧把系完全随机既, 连个赌场都唔会控制到个冧把可以停系边, 因為就算部机完全冇人玩紧, 个冧把都系系度狂跳紧. 当你玩部机既时候, 你一拍落部机度, 就会停系某一个冧把度, 之后发生既事, 其实全部都只系一D动画去表逹你拍中一个乜野冧把. 如果你明白我头先呢度讲乜, 你就会明白到坊间好多对老虎机既谬误点解系错既, 例如:

　　 煲机系完全冇用既. 部机根本完全唔会记得你之前几铺系赢定系输. 我前一排打jacks or better比SD 睇, 玩左一阵就中左一条四条. 佢话: 你仲打部机? 你觉得部机仲会出多一条四条比你羊? 我话: 唔系连你都觉得部机系咁样运作嘛? 当然佢讲左冇几耐之后, 我又中多一条四条.

　　 你打老虎机赢钱既话, 除左果日你好彩之外, 基本上系冇第二个原因. 但系你听到系咁又唔洗唔开心; 用另一方面去睇, 你如果某一日输钱既话, 唔系因為个赌场系你部机做左D乜野手脚搅到你输. 你唔洗担心你赢左钱, 楼上会见到你个木咀赢左少少钱, 就撳几粒掣等部机唔再出大奖比你. 楼上根本做唔到呢个动作. 赌场系可以改变部机既setting, 但系一定要等你走左之后, 打开部机再set 过至得. (而家市场上有D新野叫server based games, 理论上可以做到以上撳掣整死你既动作, 但系你如果过黎豪江打老虎机就暂时唔洗担心撞到呢样野).

　　 老虎机系冇话系个jackopot到几多钱之前就一定要送出, 或者佢;就黎;会出大奖. 部机自己系完全唔知道个大奖系会几时会出, 因為佢唔会知道你拍中边个冧把. 每一下都系独立既.

　　 拍大力D, 拍细力D, 连续狂快拍, 隔好耐至拍一拍, 早上拍定夜晚拍…..(以及好多同类既諗法), 因為以上既解释, 全部都系冇作用冇意思既.

　　 新式机基本上都系拍掣, 有时有D旧式机系拉棍. 拍掣同拉棍对你既赢输系完全冇影响, 但系赌场会想你拍掣. 两个原因: 拍掣平均时间会快过拉棍, 因為你平均拍掣拍得快D, 所以你平均输钱都会输得多D; 另一个原因系: D人拉棍系成日拉烂支棍, 换一支棍比起换一粒掣慢同埋贵好多.

　　 咁楼下咁多部老虎机, 边部机容易赢到钱呀?

　　 呢个问题好难答……我唔知. 个原因系: 其实个赌场系可以set每一部老虎机既payback %......

　　 抽水% 可以任个赌场set. 一般都系set系85-95%之间. 接近95%己经系好少有. 理论上, 你应该尽量玩一部接近95%既机, 但系呢个资料只系得赌场自己知, 同埋你玩95%机都仲系输面好高. 你用同一笔钱去赌枱买缆, 赢钱既机会会比起打老虎机高好多.

　　 话虽如此, 我当你劲烂玩一定要打机, 都仲有几个宗旨你可以记住:同一部机, 你系细既场打, 赢面会大过系大同埋出名果D赌场. 因為细场要抢生意所以通常会set得冇咁紧.尽量打晒咁多条线, 如果打晒咁多条线对你系贵过头, 你就揾平一格既机但系都系打晒咁多条线. 如果你系打五十蚊一铺, 你打一蚊五十条线会著数过打五十蚊一条线.

　　 而家既老虎机越出越多花款, 又或者有好多新主题. 例如如果你见到有星球大战或者奖门人机, 由於部机要比一笔天文数字比星球大战同埋奖门人做生招牌, 所以佢每一铺都要抽多少少水用黎找呢笔数, 所以果D主题机系会比起正常既机更加难赢钱. 你想赢面大既话, 最好系打返最旧果部香蕉苹果橙机.

　　 又例如楼下有一部钓鱼机, 中左一D免费游戏后, 连你隔离机条友都可以陪你一齐玩几十秒钓鱼游戏. 由於呢几十秒果一排机都系全部冇收入, 所以佢地平时就要抽多少少水去填返呢一条数, 同一道理.

　　 咁你知唔知道我好钟意玩果部贼仔机? 玩唔玩得过?

　　 先讲下边部系贼仔机. 贼仔唔系真系一部独立既机, 贼仔机系一个jackpot游戏. 你去到一个赌场, 可以见到一排机, 全部都系唔同既游戏, 但系佢地一齐玩紧机上面一个贼仔游戏既独立jackpot. 你玩呢几部机既话, D贼仔游戏就会随机咁走出黎, 你多左D机会玩游戏赢大奖.

　　 如果你玩果部机有贼仔游戏, 你玩既每一铺都会抽多少少钱用黎供会, 所以假设你前面有两部一模一样既机, 一部有贼仔游戏, 一部就冇, 咁你玩冇贼仔游戏果部机, 你赢钱既机会会大一D. 基本上, 你肯玩有贼仔游戏果部机既原因应该只系得一个: 你真系為左玩贼仔游戏而玩因為你觉得D贼仔游戏好玩. 如果系咁既话, 你既最佳策略系打最低既钱同埋打一条线, 等D贼仔游戏出黎.

　　 我明, 但系我咁打既话, D贼仔游戏会出得好少架喎? 我见隔离果条友打得好大打好多条线, 佢系咁狂中D贼仔游戏喎? 唔系打得大D著数D羊?

　　 假设个赌场有好多呢D唔同大小jackpot既游戏, 当你一定要玩呢D jackpot游戏既话, 最佳策略系打jackpot最细既一部. 大jackpot果D, 就系因為个jackpot咁大, 所以中既机会系真系好微好微. 如果系几个赌场连线一齐打大jackpot果D机, 因為要供一个咁大既jackpot出黎, 所以个payback %低过80%都有(就系因為抽咁多水, 所以个jackpot至咁大), 你想赢钱离开既机会真系好细, 打最细jackpot果部机赢钱既机会会大D. 你又可以咁样諗: 假设我比两个游戏你玩:

　　 游戏甲: 你玩一百蚊一铺, 我平均抽你5%;

　　 游戏乙: 你玩一千蚊一铺, 我平均抽你2%.

　　 你会拣玩边个游戏? 有好多人会玩游戏乙, 因為游戏乙抽2%, 少过游戏甲既5%. 你会唔会同意? 如果有人要打最大既钱, 基本上唯一一个可取既原因就系佢要不问成本而争取最大既机会率去赢个jackpot巨奖. 如果你想咁既话你就打大D啦.

　　 其实D老虎机有冇手脚架?

　　 一定冇, 而我都好相信我系岩既, 有一个好大既原因我点解会咁有信心……

　　 个赌场唔洗落手脚架. 佢乜都冇做过, 又送房又送免费食野饮野比你班友仔, 你地都输咁Q多钱比佢, 佢做乜要做手脚喎? 万一佢做少少手脚, 点知爆左出黎, 牌照都冇埋, 你系个赌场你会唔会咁笨? 隻鷄日日生紧咁多金蛋出黎, 做乜会无啦啦杀左隻鷄?

　　 赢定输系睇我既运气. 不如你教我, 如果想长期打机赢钱, 有乜野好既办法?

　　 完全冇办法. 冇机会. 冇可能. 你睇下你以前玩赌枱, 狮子花比咁少分比你网上电子游戏, 而家你打老虎机你赚分赚到笑, 你諗下点解个赌场会肯比咁多积分你?